El Cuélebre del Tablao (Asturias).

Cuenten qu´había un vecín de Tablao que-y faltó una anoya con so cencerrina. Naquel tiimpu les vaques andaben pel monte. Asina que desapaeció -y esa xata. Y cata arriba, cata abaxo nunca más paezú. ¡Y nin escatafín! Vino línvierno y nun echó tres d´ella. Y al añu siguiente, diendo pel pasto p´allá de L´Acebèu, en La Retostona, sintió la cencerrina de la xata y dixo: ¡Oster! Y foi per aquella carba, taba mui tupía, y ca vez sentía más cerca, sentía ¡tin tin! Y asomóse al puzu y ¿qué yera? Que la xata cayó al puzu y una culiebra comú per ella y féxose cuélebre y cuando acabó de comer la carne quería siguir comiendo porque nun podía salir y movíase asina l´esqueletu y sonaba la cencerrina. Y aquel home garró un mieo tan grande que dixo: ¡Oh Virxen Santísima ofrézome a facete una capiya con tal que nun me coma l´cuélebre.